~*~ قـنـبـلـة إحـسـاس ~*~
قُول عادي.. بالـي الليلـه طويـل
شُوف لِـك عـذرٍ قديـمٍ / وأقبِلَـه !!
لا تحاتي ... قلبـي مِتعَـوِّد يشيـل :
( الجُروح ) اللـي تجـي لـه مُقبِلَـه
" طيبتي " صارت مثل ( كف البخيـل )
أيِّ شَي طايـح .. تِشُوفـه ؟ تحمِلَـه
و" عزِّتي " تقـدر تِسَمِّيهـا : النخيـل
لأنـي شامِـخ .. والعواصـف قاتِلَـه
وعادي جداً .. إنِّي الليله ( عليل ) ..
الحزن : يحْسِبني واحد مِـنْ هَلَـه !!
ومو غريبه .. لـو تِمَنِّيـت الرحيـل
البقاء.. أحيـان يعنـي .. البهذلَـه !!
في غيابك .. ما لَهَا الضيقه / مثيل ..!
وربِّـي اللِّـي مـا يشـاءه يفعـلَـه
مِنْ يلاقـي لدنيتـي هـذي بديـل ..؟
خـل يجينـي أي شخـص .. أبَدِّلَـه
وعيب راسي لا بغى شي " مستحيـل "
يوصله مو طيب .. غصـبٍ يوصلَـه
ليه راجع ؟! ليه ذاكر ..؟ يالأصيل ..؟؟
إنت ضايق؟! فـي خطـأ بالمسألَـه !!
وليه تبكي مِـنْ كلامـي يالدخيـل ..؟
المشاعر .. ما لَهَـا بقلبـك صِلَـه ؟!
و( البلا ) .. إن حَبْ رجالٍ " ثقيـل "
ينسى مِن حُوله ويسْمَع ( مُذهلَـه ) !!
مِن عرفتك .. مـا بقـى باليَـد حيـل
ولو بكيفـي ..؟ قلبـي محـدٍ يدخلَـه
ومِن عرفتِك .. حظِّي العاثر يميـل ..
أعترف لِكْ .. إنِّي ( عاجز ) أعدِلَه !!
فاقد الإحسـاس / مـا يعطـي القليـل
وإن عطيته إحساس قلبك ؟ يقتِلَـه !!
إيه بأرحل والطريق أدري .. طويل ..
مشكله " قربك " .. وبُعدِك مشكلَـه ..
وإن خذاني المُوت إترك قال وقيـل ..
قُول هالجُملـه .. وخطـاك محلِّلَـه :
[ ربِّي إلهَـم أهلـه الصَبـر الجَميـل
وإرحمَـه يـا رب وإحسِـن مدخلَـه ]
/
/
القصيدة من الموقع الرسمي للشاعر / أحمد الصانع
بكل الود .,.
\\\
تحيــــــــــــاتي .,.
السبت يناير 12, 2008 9:03 am
<<<< بووووغ 
